جب آپ ﷺ چلتے تو گویا آپ ﷺ کے قدمِ مبارک تلے زمین لپیٹ دی جاتی تھی!<br />صحابہ تیز چلنے میں دشواری محسوس کرتے مگر آپ ﷺ اپنی سبک و نرم رفتارِ مبارک میں چلتے گویا ڈھلوان سے اتر رہے ہوں، اور اسی بے مثال قوت سے آپ ﷺ نے اپنے وقت کے مانے ہوئے قوی پہلوان رکانہ کو زیر کیا۔<br />امام قاضی عیاض مالکیؒ کی مستند کتاب "الشفا شریف" میں حضرت ابوہریرہ رضی اللہ عنہ سے مروی روایات میں آپ ﷺ کے یہ مبارک شمائل درج ہیں۔<br /> کمنٹ میں انتہائی ادب سے "صلی اللہ علیہ وآلہ وسلم" لکھیں !<br /><br />چوتھی فصل | آپ ﷺ کا فہم و ذکا، عقل و خرد (حصہ 4)<br /><br />جیسا کہ حضرت ابو ہریرہ رضی اللہ عنہ سے بالا سناد مروی ہے ، وہ حضور ﷺ سے روایت کرتے ہوئے کہتے ہیں کہ حضورﷺ نے فرمایا کہ : ’’ جب اللہ عزوجل نے حضرت موسی علیہ السلام پر تجلی فرمائی تو آپ علیہ السلام چیونٹی کو اندھیری رات میں سات فرسخ سے صاف دیکھ لیتے تھے۔ ‘‘ <br />(معجم صغیرطبرانی ص۶۲)<br /><br />یہ کچھ دشوار نہیں ہے کہ یہ ہمارے نبی حضورﷺ کو معراج کے بعد ان باتوں اور فائدوں کے ساتھ خاص کر دیا ہو جو اس باب میں ہم نے ذکر کی ہے کیونکہ آپ ﷺ نے رب کی نشانیوں کو دیکھا۔<br /><br />یہ تو حدیثوں میں مذکور ہے کہ حضور ﷺ نے رکانہ جو اپنے وقت کا مانا ہوا قوی پہلوان تھا کو زیر کیا اور آپ ﷺ نے اس کو اسلام کی دعوت دی اور یہ کہ رکانہ کے باپ (ابورکانہ) کو آپ ﷺ نے زمانہ جاہلیت میں زیر کیا حالانکہ وہ بہت قوی اور بہادر تھا لیکن تین مرتبہ آپ ﷺ نے اس کو پچھاڑا۔<br />(سنن ابوداؤد ج ۴ ص ۳۲۱، سنن ترمذی ج۳ ص ۱۵۷،۱۵۸)<br /><br />حدیث: حضرت ابو ہریرہ رضی اللہ عنہ فرماتے ہیں کہ میں نے حضور ﷺ سے زیادہ چلنے میں تیز کسی کو نہ دیکھا، آپ ﷺ پر گویا آپ ﷺ کے نیچے زمین لپیٹی جاتی تھی،ہم چلنے میں دشواری محسوس کرتے تھے مگر حضورﷺ اپنی سبک و نرم رفتار میں چلتے جاتے تھے۔<br />(شمائل ترمذی ص ۱۱۰، دلائل النبوہ للبیہقی ج اص ۲۰۹)<br /><br />اور یہ بھی حضورﷺ کی خاص صفت ہے کہ آپ ﷺ کی ہنسی (صرف) تبسم ہوتی تھی اور جب آپ ﷺ کسی کی طرف نظر التفات (توجہ) فرماتے تو پوری طرح توجہ فرماتے اور جب آپ ﷺ چلتے تو اچھی رفتار چلتے ، گویا کہ اوپر سے نیچے ڈھلوان پر چل رہے ہیں۔<br /><br />کتاب کا مکمل نام: الشفا بتعریف حقوق المصطفیٰ ﷺ<br /> مختصر نام: الشفا شریف <br />مصنف: ابوالفضل قاضی عیاض مالکی اندلسی رحمۃ اللہ علیہ<br /> مترجم: حضرت سید مفتی غلام معین الدین نعیمی رحمۃ اللہ علیہ<br /><br />#ProphetMuhammad<br />#SeeratUnNabi<br />#Seerah<br />#سیرت_النبیﷺ<br />#IslamicHistory<br />#IslamicShorts<br />#ShifaShareef<br />#AshShifa<br />#Miracles<br />#ShamaileTirmidhi<br />#ThinkGoodGreen
